百度地图 | TAG标签 | RSS订阅 | 设为首页 | 加入收藏 | 广告联系

当前位置:主页 > 专家拆局 >

法达斯维:纽卡素受让唔赦李

发表时间:2016-04-01 00:10 文章来源:网络整理 文章作者:采集侠

相关: 体育新闻,彩票资讯

法达斯维:纽卡素受让唔赦李

英超今轮压轴好戏,榜首李斯特城主场迎战尾二嘅纽卡素。「喜鹊」啱啱请到名帅宾尼迪斯救亡,佢被皇马炒鱿后第3度征战英超,矢志省番靓招牌,点秤都比「狐狸」老帅云尼亚里更多计仔,加上「肥宾」十多年来「转饭镬」后联赛首仗未输过,新帅效应下,必拣受让嘅纽卡素让球客胜。

(now621周二凌晨4时直播)

李斯特城争标直路压力大

虽然宾尼迪斯于今季季中先畀皇马炒鱿,但佢曾于05年及13年带领利物浦同车路士赢过欧联同欧霸冠军,因此佢喺英超仍有好高江湖地位,适逢纽卡素上周怒炒麦卡伦,令「肥宾」获得回归英超嘅机会。可能你会觉得宾帅今次嚟教纽卡素有啲屈就,不过经过今季喺「银河舰队」嘅屈辱后,好多人认为佢已Out,但如佢能拯救「喜鹊」护级成功,唔单止可额外袋走300万镑(约3300万港元)奖金,亦有可能令佢咸鱼翻生。

查实宾尼迪斯同李斯特城领队云尼亚里都有啲渊源,02及04年佢凭住云帅及古柏留下嘅班底,带领华伦西亚两夺西甲,之后佢转教利物浦,「蝙蝠兵团」就搵云尼亚里回巢,短短一季云帅就将呢支冠军雄师搞到连欧联入场券都保唔住,可谓高下立见。当然,李城今季异军突起,云尼亚里係功不可没,但呢位老帅从未带队拎过顶级联赛冠军,每每于关键时刻受压而崩溃,以往佢执教车仔、罗马、摩纳哥都係二奶命已有办你睇,咪以为「狐狸」依家排第1形势大好,能否顶住心理包袱先至係关键。

战术大师转工首战有料到

翻查纪录,由2001年宾尼迪斯转投华伦西亚计起,15年来6次转新东家嘅首场联赛,录得2胜4和未尝败绩,数据坚挺。呢场係「肥宾」回归英超首击,梗係唔衰得,睇番纽卡素喺打少一场下,落后「安全线」尾四嘅新特兰1分,护级未绝望,而且踢走麦卡伦后军心大振,让球主客和「喜鹊」受让1球,斯维撑让球客胜。

更多

上一篇:山度士:5连胜弗到震毕尔包再O赵华伦
下一篇:雷法尔:喜鹊守细抗狐狸 宾尼迪斯急泊大巴 贵为英超老牌球队之一
图片新闻
网站介绍 - 关于我们 - 服务条款 - 广告服务 - 免责声明 - 联系我们 - 更多友情链接
76jyw.com 球讯网版权所有 Copyright ? 2015-2018