百度地图 | TAG标签 | RSS订阅 | 设为首页 | 加入收藏 | 广告联系

当前位置:主页 > 专家拆局 >

法达斯维:车仔客战爱华顿大晒冷

发表时间:2016-04-01 00:10 文章来源:网络整理 文章作者:采集侠

相关: 体育新闻,彩票资讯

今晚英格兰足总盃8强重头戏上演「双蓝」对决,由爱华顿主场迎战车路士。车仔啱啱失意欧联,堂堂上季双料冠军岂可两手空空?足总盃就成为佢哋今季嘅最后救赎,必定搏甩髀,但车仔防线唔多稳阵,撞正「拖肥」倒戈射手卢卡古压阵,火力唔係人咁品,近4次交手3度开大,随时又做「大」骚,斯维力撑大盘。

(乐视818周日凌晨1时30分直播)

车仔自季初被前任主帅莫连奴搞到一镬粥后,元气大伤,就算老帅希丁克中途接手表现回稳,但佢哋仍未能重拾上季勇夺联赛及英联盃嘅王者风范,啱啱周中于欧联16强遭圣日耳门淘汰出局,无论演出或信心都输晒畀对手。当然,车仔为免冇盃落袋,足总盃就成为佢哋今季唯一捧盃希望,单计本土赛事,希帅麾下嘅车仔总算保持16场不败,就算两大主将迪亚高哥斯达及夏萨特因伤应赶唔切披甲,但众将战意唔使怀疑。

不过车仔自两大中坚泰利及葛特苏马受伤后,防线明显穿窿,代替佢哋嘅老将伊云洛域及加利卡希尔级数有别,而当艾斯派古达重任右闸,无论用罗拔坚尼地定艾度巴巴打左闸,都先后犯大错,车仔近8场均有失波绝非偶然。

拖肥踢法有前冇后

「拖肥糖」爱华顿现时于联赛仅排第12位,稍为令人失望,呢点同主帅马天尼斯主攻踢法不无关係,单计联赛佢哋已轰入51球,拍住「2哥」热刺,只係少过李斯特城同曼城,当中前车仔箭头卢卡古以18球位列射手榜次席,火力强横。可惜其后防表现认真一般,尤其係近排改打3人防线,菲腊积基尔卡转身慢,拉美路富尼斯摩利唔够硬淨,史东斯表现明显跌Watt,令「拖肥」攻守失衡。睇番双方近4次碰头,合共炮製20粒,有3场开入球大,包括1月头联赛踢成3比3,斯维觉得大盘更加好路。

更多

上一篇:苏豪:广岛三箭W比你睇
下一篇:没有了
图片新闻
网站介绍 - 关于我们 - 服务条款 - 广告服务 - 免责声明 - 联系我们 - 更多友情链接
76jyw.com 球讯网版权所有 Copyright ? 2015-2018